` 50 ನಿಮಿಷ ಕಥೆ ಕೇಳಿದ ನಂತರವೇ ರವಿಚಂದ್ರನ್ ಒಪ್ಪಿಕೊಂಡಿದ್ದು - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ravichandran
Ravichandran Image

ಸಾಹೇಬ, ರವಿಚಂದ್ರನ್ ಪುತ್ರ ಮನೋರಂಜನ್ ನಟಿಸಿರುವ ಚಿತ್ರ. ಕ್ರೇಜಿ ಸ್ಟಾರ್ ಪುತ್ರನ ಪ್ರವೇಶ ಭರ್ಜರಿಯಾಗಿಯೇ ಇರಬೇಕು ಎಂಬ ಕಾರಣಕ್ಕಾಗಿ ಜಯಣ್ಣ ಭೋಗೇಂದ್ರ ಜೋಡಿ ನಿರ್ಮಿಸಿರುವ ಅದ್ಧೂರಿ ಚಿತ್ರ ಸಾಹೇಬ. ಚಿತ್ರದ ನಿರ್ದೇಶಕ ಭರತ್.

ರವಿಚಂದ್ರನ್ ಪುತ್ರನಿಗೆ ಸಿನಿಮಾ ಮಾಡ್ತೀನಿ ಅಂದಾಗ ಪರಿಚಯದವರೆಲ್ಲ ರವಿಚಂದ್ರನ್‍ಗೆ ಕಥೆ ಒಪ್ಪಿಸೋದು ಕಷ್ಟ ಬಿಡು ಎಂದೇ ಹೇಳಿದ್ದರಂತೆ. ಆಗಿನ್ನೂ ರವಿಚಂದ್ರನ್, ತಮ್ಮ ಮಗನಿಗಾಗಿ ತಾವೇ ಚಿತ್ರ ನಿರ್ಮಿಸಿ ನಿರ್ದೇಶಿಸಲು ಸಿದ್ಧರಾಗುತ್ತಿದ್ದರು. ಅದೇ ಸಮಯದಲ್ಲಿ ಭರತ್ ಕಥೆ ಹೇಳಿದರಂತೆ. ಸತತ 50 ನಿಮಿಷ ಕಥೆಯನ್ನು ಹೇಳಿದ ಮೇಲೆ ರವಿಚಂದ್ರನ್ ಒಪ್ಪಿದರಂತೆ. ಸಂಪೂರ್ಣ ಸ್ವಾತಂತ್ರ್ಯವನ್ನೂ ಕೊಟ್ಟರಂತೆ. ಇದೆಲ್ಲವನ್ನೂ ಸ್ವತಃ ನಿರ್ದೇಶಕ ಭರತ್ ಹೇಳಿಕೊಂಡಿದ್ದಾರೆ. 

ಯಾರು ಈ ಭರತ್ ಎಂದರೆ, 10 ವರ್ಷ ಹಿಂದಕ್ಕೆ ಹೋಗಬೇಕು. ಕಂಠಿ ಅನ್ನೋ ಸೂಪರ್ ಹಿಟ್ ಚಿತ್ರ ಕೊಟ್ಟಿದ್ದ ಭರತ್, ಅದಾದ ಮೇಲೆ ಸುಮ್ಮನೆ ಕುಳಿತುಬಿಟ್ಟಿದ್ದರು. 10 ವರ್ಷಗಳ ನಂತರ ಅವರು ಸಾಹೇಬ ಚಿತ್ರದೊಂದಿಗೆ ಬಂದಿದ್ದಾರೆ. ಕಂಠಿ ಚಿತ್ರದ ಮೂಲಕ ಶ್ರೀಮುರಳಿ ಸ್ಟಾರ್ ಆದರು. ಸಾಹೇಬ ಚಿತ್ರದ ನಂತರ ಮನೋರಂಜನ್ ಸ್ಟಾರ್ ಆಗ್ತಾರಾ..? ಕ್ರೇಜಿಸ್ಟಾರ್ ಅಭಿಮಾನಿಗಳಲ್ಲಿ ನಿರೀಕ್ಷೆಯಂತೂ ಜೋರಾಗಿದೆ.

Raju Kannada Medium PromoLaunch Gallery

https://www.chitraloka.com/movie-reviews/15441-mugulunage-movie-review-chitraloka-rating-4-5.html

Singer S Janaki Gallery